"المشكلة ليست مشكلة واسطة فقط فلو كانت كذلك لسهل حلها"
لنفترض انك تشتغل بالمرور وياك جارك بيوم من الايام وطلب منك تخلص معاملته بالمرور شنو راح تقوله ؟
زين لنفترض انك انسان مستقيم وما تحب الواسطة واعتذرت من جارك الي وصى عليه الرسول ..
شنو راح يكون موقفك وانت قاعد بالدوانية وطلبك واحد من الشباب او نخاك انك تتوسطله ؟
بترده ولا شنو بتقول ؟
المضحك ان بعضهم صار يسمي الواسطة شفاعة والبعض الاخر دخل الفلسفة بالدين حتى يحللها فصارت الواسطة حلال بشرط ان تكون كفؤ للعمل الذي تقدمت له وان يكون الاخر قد استعان بالواسطة
زين محد يسأل منو يحدد معايير الكفاءة ؟
اكيد كل واحد يشوف نفسه كفؤ!
انا اشوف نفسي كفؤ لرئاسة مجلس الأمم المتحدة
زين محد يسأل منو يحدد معايير الكفاءة ؟
اكيد كل واحد يشوف نفسه كفؤ!
انا اشوف نفسي كفؤ لرئاسة مجلس الأمم المتحدة
هاذي اهي المشكلة ان الواسطة صارت تسري في دم المجتمع فبعد ان كانت ظاهرة صارت عادة وبالنهاية تحولت الى ضرورة فحالياً حتى لو كنت ممن يرفضون "الواسط" لن يتركك السفهاء لانك ستكون بنظرهم نذل ومو راعي نخوة ويمكن مو ريال بعد وازيدك من الشعر شقة يمكن بعد هذا الي ما توسطت له لما تكون معاملتك بادارته يحاول يعلقها لك وياخرك عشان يسوي فيك مثل ما سويت فيه مع انك ما سويتله شي لكن رفضت انك تتوسطله وبالنهاية ستجد نفسك بحاجه لجرعة من الواسطة وهنا ستبيع مبادئك وقيمك من اجل "شخطة قلم"
الآن هل انت مستعد لرفض التوسط للاخرين ؟!
او دعني اعيد صياغة السؤال
هل انت مستعد للانحراف عن عادات المجتمع ؟!
اذا فانت الصعلوك الذي يرفض الواسطة
هنيئاً لك ..
